VOV4.Jarai - Amăng mông jơnum hăng ƀing mă tơlơi pơhing phrâo kơ bruă bơwih ƀong huă-mơnuih mơnam rơwang tal II thun 2022 yua Jơnum min mơnuih ƀon sang tơring čar Ninh Thuận pơphun tlam lơ 14/7, pô pơ ala brơi gơnong bruă wai lăng jơlan glông hơmâo lăi pơthâo kơ bruă pơkra ming jơlan rơdêh treng Tháp Chàm - Đà Lạt. Jơlan rơdêh treng mă yua dong mơng thun 1932 hăng lui ruh dong mơng thun 1972. Jơlan anai glông giăm 83,5 km, amăng anun hơmâo ară găn nao tơring čar Ninh Thuận 49 km, hăng 17 anih mă tuai. Hrŏm hăng anun, hơmâo 64 boh tơdrông, 5 ară jơlan amur hăng 16 km dưm ară jơlan hơmâo tơgơi. Kiăng kơ ngă tui tơlơi pơkă mơng mă yua lŏn mơnai găn nao tơring čar Ninh Thuận giăm 130 ektar, lu hloh lĕ lŏn ngă đang hmua. Abih tih rơnoh tuh pơ alin giăm 27.780 klai prăk. Him lăng jơlan rơdêh treng anai amra pok pơhai man pơkra dong mơng thun 2024 hăng man pơkra giong hăng mă yua dong mơng thun 2030.

Siu Đoan: Pơblang