VOV4.Jarai - Tlam lơ 24/1, ƀơi Hà Nội, Khul hlăk ai mut phung rơnuk Hồ Chí Minh, Anom bruă Plan International Việt Nam ngă hrŏm pơphun bruă pôr pơhing “Hlăk ai pơmin hiam - ƀu lăng phara ôh đah kơmơi đah rơkơi”. Nao pơhmư̆ hơmâo Kơ-iăng khua Jơnum min gru grua, pơtô hrăm mơng Ƀirô khua git gai pơ ala mơnuih ƀon sang dêh čar. Bruă pôr pơhing “Hlăk ai thâo pơmin - ƀu lăng phara ôh đah kơmơi đah rơkơi” hơmâo kah jing 4 rơwang bruă: “Bruă sang anŏ ƀu djơ̆ bruă hơjăn pô hlơi ôh”, “Grum hrŏm djru nao rai prăk kăk amăng sang anŏ”, “Bruă mă lĕ tơlơi ta ruah mă, ƀu thâo ruai kơ đah kơmơi ƀudah đah rơkơi ôh”, “Đah kơmơi ăt dưi ngă khua prong rơgơi mơn”. bruă anai hơmâo ngă ƀơi abih bang, mơng anun truh abih blan 11/2022 jơnum bưp ƀơi anăp hăng lăng mơng ataih amăng tivi, hơmâo tơlơi ră ruai hăng ƀing arăng hmư̆ hing juăt lăi nao tơlơi anai, pơčeh tơlơi adoh, čih tơlơi adoh kơ jơlan hơdră anai, pơphun jơnum bơkơtuai, pơtŏp bruă kơ ƀing hlăk ai ƀơi hơdôm boh tơring čar, ƀon prong hăng fanpage “Thanh niên chuẩn” ƀơi facebook.

Siu H’Mai: Pơblang