VOV4.Jarai - Tom brơi (25/5) ƀơi plơi prong Buôn Ma Thuột, Khul pơlir hơbit đah kơmơi tơring čar Dak Lak pơphun hrơi đah kơmơi pơphun bruă mă tơring čar Dak Lak thun 2022. Hăng anăn Hrưn đĭ rơnoh yôm mơng gơnam đang hmua. Hrơi đah kơmơi pơphun bruă mă tơring čar Dak Lak pơphun lu bruă mă anun lĕ: pơdă prưng, lăi pơthâo gơnam tam pơkra mơng đah kơmơi; jơnum bơkơtuai “pơplih mă yua boh thâo phrâo, sĭ mơdrô điện tử - tơlơi dưi hăng tơlơi lông mơng đah kơmơi amăng pơphun bruă mă hăng sĭ mơdrô”;

Mông lăi pơthâo bruă mă brơi đah kơmơi; pơtô hrăm, pơlăi nao rai tơlơi găn rơgao  amăng bơwih ƀong kiăng “hrưn đĭ rơnoh yôm mơng kơphê Việt Nam: hăng mông pơpŭ ƀing mơnuih, khul grup ba gru lơ̆m ngă tui akŏ bruă djru đah kơmơi pơphun bruă mă rơwang thun 2017-2022. Anai lĕ bruă mă kiăng djru brơi đah kơmơi pơphun bruă bơwih ƀong sĭ mơdrô laih dong dưi pơbưp, hrăm tui, lăi pơthâo gơnam tam, ngă pơlir hơbit amăng sĭ mơdrô tŭ yua ƀiă dong mơng anun pơsir hĭ tơnap tap amăng sĭ mơdrô, mut hrŏm tui rơnuk phrâo anai.

Siu Đoan: Pơblang