Hăng tơlơi pơsit “rô nao rai kơtăk drah Việt”, thun anai, jơlan hơdră mriah hơmâo pơphun amăng 2 blan ƀơi 48 boh tơring čar, ƀôn prong đơ đam dêh čar. Ƀơi Dak Lak, anai lĕ thun tal 10 pơphun jơlan hơdră hăng hơnong pơkă tŭ mă ƀiă biă mă ñu 500 anung drah, laih dong pơtô pơblang brơi ƀing hlăk ai čơđai kơ tơlơi ruă ƀu pơkŏng drah mơng muai kah hăng tơlơi pơmĭn laih dong pơgang tơlơi ruă anai.

Jơlan hơdră ƀơi Dak Lak hơmâo tơlơi mut hrŏm mơng abih bang mơnuih ƀon sang, ƀu djơ̆ kơnong amăng hơdôm kual tong krah đôč ôh mơ̆ hơdôm kual ataih, asuek dong. Mơng anun pơhlôm djop drah jôr kiăng pơjrao brơi mơnuih duam ruă, pơsir hĭ bruă kơƀah drah amăng hơdôm hrơi pơdơi prong, hrơi ngă yang ƀong tết. Hluai tui bruă anai kiăng pơtô pơblang brơi mơnuih ƀon sang thâo hluh rơđah kơ bruă pơyơr drah. Mơng anun, hơmâo lu dong mơnuih djru bruă, pơtrut pơsur mơnuih ƀon sang nao pơyơr drah.