Jơnum anai yua Kông ti dăng kông Việt Nam (Vienam Post) pơphun. Jơnum anom bruă dăng kông hơdôm boh dêh čar kual ASEAN pơphun dong mơng lơ 7 truh lơ 9/12/2022 hơmâo lu khua mua mơng anom bruă dăng kông mơng 10 boh dêh čar kual ASEAN, jơnum đing nao pơčrông sai bruă pok pơhai ngă hrŏm djop mơta, akŏ bruă mă hơmao tŭ yap amăng jơnum khul pơlir hơbit dăng kông jar kmar hăng khul pơlir hơbit anom bruă dăng kông kual Asia - Thái Bình Dương.

Sit biă ñu, ƀing khua mua pơprong mơng anom bruă dăng kông mơng 10 boh dêh čar kual ASEAN amra pioh lu hrơi mông kiăng pơlăi nao rai hơdră bruă dăng kông phrâo amăng rŏng lŏn tơnah; hơdôm tơlơi dưi hăng tơlơi lông mơng anom bruă dăng kông pơ anăp; hơdră hrưn đĭ klă dong bruă bơwih bơwang mơ-it nao rai gơnam tui hơđăp, mơ-it gơnam tañ hloh EMS, mơ-it hyu gơnam amăng plang điện tử, tem; hăng hơdôm tơlơi bơwih bơwang pơkŏn dong…