Pơphun “Jơnum hrơi Sang anŏ Việt Nam 2025”
Thứ sáu, 10:00, 27/06/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Hăng tơlơi jơnum “Sang anŏ yâo mơ-ak - Dêh čar pơdrong sah”, Hrơi sang anŏ Việt Nam thun anai pơphun ƀơi Anih jơnum gru grua - tuai čuă ngui tơring čar Dak Lăk mơ̆ng lơ 25/6 truh abih lơ 29/6, hơmâo 7 boh tơring čar ƀôn prong jơnum tom, hơmâo Sơn La, Tuyên Quang, Lạng Sơn, Ninh Bình, Thanh Hóa, Huế hăng Dak Lăk.
Amăng hrơi jơnum hơmâo lu bruă kah hăng: adoh suang, pơbưp nao rai, pơpŭ kơ mơnuih rơgơi amăng bruă ngă mơ-ak amăng sang anŏ. Pơdă prưng rup pơƀuh gru hiam amăng sang anŏ, bruă pơgăn taih amang djơ̆ ngă amăng sang anŏ, akŏ pơjing sang anŏ hơdip rơnôm, thâo kiăng khăp, yâo mơ-ak.
Pơdă hơdrôm hră hăng sĭ gơnam OCOP, gơnam juăt blơi yua, gơnam hmư̆ hing mơ̆ng hơdôm boh tơring. Anai jing bruă čơkă hrơi Sang anŏ Việt Nam lơ 28/6. Mơ̆ng anun pơđĭ tui tơlơi thâo pơmin mơ̆ng hơdôm anom bruă, khul grup hăng abih bang mơnuih kơ tơlơi yôm mơ̆ng sang anŏ Việt Nam amăng rơnuk hrưn đĭ mơ̆ng djuai ania ta./.
Viết bình luận