Tui hăng mông jơnum, Khua mua apăn bruă pơ ala mơnuih ƀon sang amra pơgôp hiăp kơ hơdôm bruă prong, lăi pơthâo, pơhmư̆, pơplih ming, ngă pơgiong kơčăo bruă: Tơlơi phiăn Đấu thầu juă nua (pơkra glăi); Tơlơi phiăn Nua (pơkra glăi); Tơlơi phiăn anom ngă ƀong hrŏm (pơkra glăi); Tơlơi phiăn pơgang ba tơlơi dưi mơnuih blơi gơnam (pơkra glăi); Tơlơi phiăn Pơgang lŏn ia; Tơlơi phiăn pơkra glăi, pơhrua tui hơdôm tơlơi mơng Tơlơi phiăn Kông an mơnuih ƀon sang; Tơlơi phiăn pơkra glăi, pơhrua tui hơdôm tơlơi mơng Tơlơi phiăn mut nao rai pơ dêh čar tač rơngiao mơng mơnuih ƀon sang Việt Nam hăng Tơlơi phiăn Mut rai măng dêh čar, dŏ glăi jăng jai, mơnuih dêh čar tač rơngiao dŏ pơ dêh čar Việt Nam; Tơlơi phiăn Tla prăk tui glông điện tử (pơkra glăi).

Pơgôp hiăp kơ Tơlơi pơtrun jao anăn bruă, mrô prăk pioh ngă bruă kơ hơdôm Jơlan hơdră rŭ glăi hăng pơđĭ kyar tơlơi bơwih ƀong mơnuih mơnam; jao, pơhrua tui akŏ bruă tuh pơ alin pơkă hrơi găp ƀrô hơmâo prăk ngă bruă mơng kơnuk kơna ta rơwang thun 2021-2025 laih anun brơi nao akŏ bruă prăk kơnuk kơna thun 2023 mơng jơlan hơdră dêh čar pơtrun hăng lu tơlơi yôm phun pơkŏn dong.