Hăng anăn “Ngă tui pran kơtang mơng gum pơgôp djop djuai ania, kơtưn ngă pô, pơplông pơjing hăng pơđĭ kyar ƀôn prong Hồ Chí Minh hiam klă, bă blai pran khăp pap”. Jơnum tal anai lăng glăi hơdôm tơlơi dưi, anŏ aka ƀu klă, anŏ dŏ kơƀah, mơng anun hơmâo tơlơi pơƀut glăi, ba tơbiă hơnong pơkă, bruă jao akŏ phun, hơdôm jơlan hơdră bruă mă mơng Jơnum min djop djuai ania mơnuih mơnam ƀôn prong rơwang thun 2024-2029.

Mơng anun kiăng ngă tui tơlơi gơgrong, kơdrưh ang mơng Jơnum min djop djuai ania mơnuih mơnam amăng bruă tum pơƀut abih bang mơnuih, dưi pơhưč lu mơnuih amăng hơdôm tal pơplông pơlir hăng hơdôm tơlơi pơtrut pơsur; ngă pô, pơphun krăo lăng, tơlơi lăi glăi mơng mơnuih mơnam, tơlơi mut hrŏm pơjing Ping gah, pơjing gong gai mă bruă tơpă, hơđong kjăp; tŏ tui pran kơtang mơng gum pơgôp djop djuai ania amăng pơjing, pơđĭ kyar ƀôn prong.