Nao jơnum hăng đĭ pơhiăp amăng mông jơnum, Khua git gai Ping gah ƀôn prong Hồ Chí Minh ơi Nguyễn Văn Nên rơkâo Khul pơ ala mơnuih ƀon sang ƀôn prong đing nao sem lăng tơlơi bơwih ƀong huă-mơnuih mơnam amăng ƀôn prong, sit biă ñu lĕ aka ƀu hơmâo ba tơbiă hơdră pơsir, bruă jao tong ten pơ anăp. Hăng bruă pơsit ngă tui tơlơi pơtrun mrô 98 mơng Ƀirô Khua pơ ala mơnuih ƀon sang dêh čar kơ ngă lông lăng, sa, dua hơdră bruă akŏ phun pơđĭ kyar ƀôn prong Hồ Chí Minh, ơi Nguyễn Văn Nên brơi thâo, amăng 7 mơta hơdră bruă hơmâo pơtrun, bruă mơ̆ Ƀirô Khua pơ ala mơnuih ƀon sang dêh čar jao Khul pơ ala mơnuih ƀon sang ƀôn prong lĕ prong biă mă hăng 14 akŏ bruă yôm phun.

Jơnum lok 10, Khul pơ ala mơnuih ƀon sang ƀôn prong Hồ Chí Minh amra pơphun amăng 2 hrơi ha mơkrah. Ƀing khua mua pơčrông sai tong ten hră mơ-it kiăng pơsit ngă tui tơlơi pơtrun mrô 98 mơng Ƀirô Khua pơ ala mơnuih ƀon sang dêh čar kơ ngă lông lăng sa, dua hơdră bruă akŏ phun pơđĭ kyar ƀôn prong Hồ Chí Minh.