Amăng jơnum anai, Jơnum min apăn bruă Khua pơ ala mơnuih ƀon sang dêh čar pơpgôp hiăp amăng sa, dua bruă pơprong hăng hơmâo tơlơi pơmĭn phara amăng črăn tơlơi phiăn, anun lĕ: Tơlơi phiăn wai pơgang mơnuih mơnam; tơlơi phiăn wai brơi tơlơi dưi kơ mơnuih blơi gơnam (čih pơkra glăi); tơlơi phiăn sĭ mơdrô điện tử (čih pơkra glăi); tơlơi pơtrun wai lăng hră pơ-ar mơnuih ƀon sang; črăn tơlơi pơtrun kơ bruă jao, tơlơi dưi hăng pơplih, pơphun bruă mă mơng Khul čih pioh; črăn tơlơi pơtrun mơng Jơnum min apăn bruă Khua pơ ala mơnuih ƀon sang dêh čar kơ bruă pơplông, pơpŭ bơni hăng Khua pơ ala mơnuih ƀon sang, djop anom bruă wai lăng  mơng Jơnum min apăn bruă Khua pơ ala mơnuih ƀon sang.

Jơnum min apăn bruă Khua pơ ala mơnuih ƀon sang dêh čar amra sem lăng, tŭ yap tơlơi phiăn pơsir tơlơi ngă soh amăng bruă jŭ yap kơnuk kơna; črăn tơlơi pơtrun črâo ba bruă ngă tui tơlơi pơkă amăng rơwang mă bruă mơng Khua pơ ala mơnuih ƀon sang dêh čar.