VOV4.Jarai - Mơguah lơ 15/2, pơphun jơnum lok 8, Jơnum min khua apăn bruă pơ ala mơnuih ƀon sang dêh čar. Pơphun mơng hrơi anai truh abih lơ 17/2, Jơnum min khua apăn bruă pơ ala mơnuih ƀon sang dêh čar pơgôp hiăp kơ lu tơlơi yôm. Rơđah biă ñu, Jơnum min khua apăn bruă pơ ala mơnuih ƀon sang pơgôp hiăp kơ bruă pơdah pơƀuh, pơhmư̆ tơlơi pơgôp hiăp, pơplih ming Tơlơi phiăn Tơhan polih rŭi hyu hơdeč (Cảnh sát cơ động) hăng Tơlơi phiăn pơplih pơkra, pơhrua tui hơdôm tơlơi mơng Tơlơi phiăn mă yua tơlơi rơgơi; rơkâo pơhrua nao Tơlơi phiăn khăm pơjrao tơlơi ruă (pơplih pơkra) amăng Jơlan hơdră čih pơkra tơlơi phiăn thun 2022. Bruă čih pơkra tơlơi phiăn khăm pơjrao tơlơi ruă (pơplih pơkra) pơƀut amăng 3 mơta tơlơi phun anun lĕ: mơnuih ruă yơh phun, pơtrut tui tơlơi dưi khăm, pơjrao tơlơi ruă klă hloh. Pơkra lu tơlơi bơwih brơi gah ia jrao; pơhlôm dưm kơnar kơplah wah hơdôm anih khăm pơjrao tơlơi ruă mơng kơnuk kơna ƀudah hơjăn pô pơdong mă. Laih dong pơplih klă hloh tơlơi pơmin, pran jua čơkă, pơjrao mơnuih ruă.

Siu H’Mai: Pơblang