VOV4.Jarai - Ƀơi plơi prong Buôn Ma Thuột, tơring čar Dak Lăk hơmâo pơphun ngă Kơčăo bruă pơđĭ tui anŏ hơđong kơjăp, pơkra gơnam hơmâo lu hăng hơmâo nua pơmă mơng phun kơphê, tiu ƀơi kual Dap Kơdư. Kơčăo bruă anai yua Anom bruă kơsem min bruă hmua Jar kmar dêh čar Úc pơphun ngă truh blan 9/2024 ƀơi 3 boh tơring čar Gia Lai, Dak Lăk, Dak Nông hơmâo giăm 300 boh sang anŏ pla kơphê, tiu, hăng mrô prăk tuh pơ plai giăm 90 klai prăk.

Ƀing kơhnâo pơtô brơi kĭ thuâ̆t ngă kơphê kơ mơnuih ngă hrŏm kơčăo bruă anai

Tơlơi kiăng hơmâo mơng kơčăo bruă anai lĕ pơplih tơlơi bơwih ƀong hơdip mơda mơng mơnuih ngă hmua ƀơi kual Dap Kơdư, biă ñu grup sang anŏ amuñ bơbeč yua tơlơi truh, hluai tui tơlơi pơplih hơđong kơjăp hăng nua gơnam đĭ hloh amăng bruă ngă kơphê hăng tiu.

Siu H’Mai: Pơblang