Sang măi VSIP Hà Tĩnh prong 190,41ha, hơmâo prăk tuh pơ alin rơbêh 1.555 klai prăk, tuh pơ alin jing anih gru kual sang măi mơtah mơda, phrâo, hơđong kơjăp hăng anih anom pơkra yôm, djơ̆ hăng tơlơi kiăng mơ̆ng ƀing tuh pơ alin tŏ tui.

Kơ-iăng khua dêh čar ơi Trần Hồng Hà pơsit, VSIP Hà Tĩnh čang rơmang amra pơhưč ƀing tuh pơ alin amăng dêh čar wơ̆t hăng čar rơngiao kơ bruă apui lơtrik, điện tử, hrĕ apui añĕ, tia tơƀañ, apui ayuh, pil rơdêh, pơsơi pơsă, gơnam pơtar rơdêh ôtô, pơkra gơnam ƀong huă, hơjai pioh gơnam....amra djru brơi 30.000 čô mơnuih hơmâo bruă, pơhưč pơđĭ kyar, pơplih bruă bơwih ƀong mơ̆ng tơring čar Hà Tĩnh.