VOV4.Jarai - Pơdă prưng rup “Ƀon prong Hồ Chí Minh - 47 thun hrŏm hăng dêh čar, yua kơ dêh čar” hơmâo pơphun amăng lơ 27/4 ƀơi jơlan rơbat tơkai Nguyễn Huệ, ƀon prong Hồ Chí Minh. Pơdă prưng rup pơphun mơng lơ 27/4 truh lơ 7/5 ƀơi 4 anih: jơlan Nguyễn Huệ, jơlan Đồng Khởi, ƀơi anăp Đang bơnga Chi Lăng hăng Anih jơnum ngui ngor gru grua Mă bruă, kuâ̆n 1. Ƀơi jơlan Nguyễn Huệ hăng jơlan Đồng Khởi, arăng pơdă 90 pok rup pơƀuh kơ bruă blah dưi thun 1975 hăng hơdôm pok rup pơdah tơlơi gum djru prong mơng ƀon prong Hồ Chí Minh hăng bruă pơplih phrâo, tơlơi dưi ngă truh kih mơng lŏn ia ta amăng djŏp bruă bơwih ƀong, gru grua, pơtô pơjuăt, boh thâo ia rơgơi; pơđĭ tui bruă pơbưp nao rai, pơtom hiăp hăng hơdôm boh dêh čar ƀơi rŏng lŏn tơnah, đah mơng djru anom bơwih ƀong amăng dêh čar ta hăng mơng čar rơngiao ngă hrŏm, tu pơ plai, pơđĭ kyar ƀon prong.

Siu H’Mai: Pơblang