VOV4.Jarai-Mơguah lơ 3/6, ƀơi plơi prong Đà Lạt, Ding jum Ngă hmua hăng Pơđĭ kyar plơi pla pơphun bruă mă pơphun ngă tui kơčăo bruă wai lăng lŏn mơnai glai klô hiam hơđong kjăp, tui hăng boh tơhnal nao ĕp lăng pơđĭ kyar ƀu ngă rơngiă lŏn glai kyâo pơtâo ƀơi Lâm Đồng hăng Dak Nông. Kơčăo bruă yua Khul pơlir hơbit kual Mi kô̆ EU djru, kơnang kơ Hơdră pơđĭ kyar mơ̆ng sang gum hơbit djop dêh čar UNDP, rơnoh prăk 5 klăk euro hăng ngă tui mơ̆ng thun 2022-2026.

Tơhnal pơkă kơtưn wai lăng tong ten ayuh hyiăng lŏn glai, pơsir bruă mă tơlơi hơdip mơda mơnuih ƀôn sang, anŏ gơgrong hăng bong glăi hăng anŏ pơblih ayuh hyiăng sit ngă hmua pla pơjing laih anun ngă hrom tui anŏ djru pơkă nua hơđong kual Dap Kơdư. Laih dơ̆ng, pơblih pơđĭ tui tơlơi bơwih ƀong huă kơ khul mơnuih amuñ bơbeč yua, mơnuih djuai ania ƀiă hăng ƀing đah kơmơi amăng bruă ngă hmua, pla kyâo hăng ba tuai čuă ngui. Pă boh tơring glông dưi ruah mă ngă anih pơgang lŏn glai tong ten kah hăng Dak Glong, Dak Rlâp tơring čar Dak Nông hăng Di Linh, Lạc Dương tơring čar Lâm Đồng.

Nay Jek: Pơblang