VOV4.Jarai-Mơguah lơ 10/8, ƀơi ƀôn prong Hồ Chí Minh pơphun jơnum pơplông tơlơi thâo čơđai muai klâo boh dêh čar Việt Nam-Lao-Kur hơmâo 184 čô čơđai hăng 35 čô khua mua, mơnuih kiăo tui wai lăng, jing mơnuih ba gru hlâo amăng tơlơi hrăm hră hăng bruă mă khul grup čơđai sang hră mut phung klâo boh dêh čar. Pơplông tơlơi thâo čơđai muai klâo boh dêh čar Việt Nam-Lao-Kur thun 2022 hăng akŏ ñu “Guang tơngan gơyut gơyâo” hơmâo lu bruă mă hiam mơak ƀơi ƀôn prong Hồ Chí Minh kah hăng: nao ĕp lăng sit nik pơ glai klô ia rơsĭ dong, pla phun đươk ƀơi tơring glông Củ Chi, hyu ĕp lăng anih anom gru nam blah ngă đưm dêh čar kah hăng amăng tơrong se Củ Chi-pra yang Bến Dược, hơdră adoh suang ngui ngor gru grua hiam mơak Việt Nam-Lao-Kur….

Anai lĕ sa amăng hơdôm bruă mă yôm čơkă mơak Thun gum pơgôp giăng mah Việt Nam-Lao hăng Kur thun 2022, hơdor glăi tal 60 thun hrơi akŏ pơjing bruă pơtom hiăp Việt Nam-Lao hăng 45 thun hrơi kĭ pơkôl ngă giăng mah hok mơak Việt Nam-Lao, hơdor glăi 55 thun akŏ pơjing bruă pơtom hiăp Việt Nam-Kur.

Nay Jek: Pơblang