VOV4.Jarai-Lơ 13/5, ƀơi plơi prong Ƀuôn Ma Thuôt, Ding jum bruă hmua hăng Pơđĭ kyar plơi pla ngă hrom Jơnum min mơnuih ƀôn sang tơring čar Dak Lak, pơphun sa wơ̆t hrơi tơjuh dêh čar pơgang ia hơdjă hăng rơnăk ayuh hyiăng anih hơdip jum dar thun 2022.

Mông jơnum jak iâu ngă tui tơlơi pơtrun

Hăng akŏ ñu “Wai lăng, mă yua, pơpha yua tong ten ring bruă ia hơdjă hăng pơgang ayuh hyiăng kual plơi pla”, Rơwang hrơi tơjuh dêh čar pơgang ia hơdjă hăng rơnăk ayuh hyiăng thun anai kiăng pơđĭ tui tơlơi thâo hluh, bruă gơgrong ba mơ̆ng djop sang anŏ, plơi pla hăng gong gai kơnuk kơna amăng bruă wai lăng, ba yua, mă yua djop ring bruă ia hơdjă hăng pơgang ayuh hyiăng anih hơdip jum dar kual plơi pla hơđong, kjăp pioh pơgang tơlơi suaih pral, pơhlôm, pơgang klin duăm ruă, pơđĭ tui anŏ hiam klă tơlơi hơdip mơda mơnuih ƀôn sang, anăp nao pơđĭ kyar hơđong kjăp.

Tui hăng jŭ yap mrô mơnuih ƀôn sang amăng kual plơi pla mă yua ia hơdjă hơmâo 90%, 96% boh sang hră, sang ia jrao hơmâo ring bruă ia hơdjă hăng sang juă glai rơgoh.

Nay Jek: Pơblang