Mơguah lơ 20/4, ƀơi Hà Nội, Ding jum tuh tia pơkra hăng sĭ mơdrô pơphun Sa rơwang hrơi tơjuh Djă anăn păn dêh čar hăng Jơnum pơčrông sai jar kmar kơ Djă anăn păn dêh čar Việt Nam thun 2023 hăng akŏ ñu “Pơtong anih Djă anăn păn dêh čar Việt Nam Ia mơtah”. Bruă ngă anai, dŏ amăng Hơdră Djă anăn păn dêh čar Việt Nam thun 2023, hơdor glăi hrơi Djă anăn păn Việt Nam lơ 20/4, kơtưn bruă ĕp lăng krăn gơnam Djă anăn păn Việt Nam hăng pôr pơthâo gơnam sĭ mơdrô čih anăn  Việt Nam.

Jơnum pơčrông sai Djă năn păn dêh čar Việt Nam thun 2023 hăng akŏ ñu “Pơtong sit anih djă Anăn păn dêh čar Việt Nam Ia mơtah” dưi hơmâo Ding jum tuh tia pơkra ming hăng sĭ mơdrô pơphun lơ̆m dêh čar Việt Nam hlăk gir run pơtrut lu bruă mă pơkra ming gơnam sĭ mơdrô, anăp nao rŭ glăi tơlơi bơwih ƀong huă hăng pơđĭ kyar tơdơi sa rơwư̆ rơwang bơbeč djơ̆ klin Covid 19 ngă. Tui hăng ƀing kơhnâo kơhnăk, anăn păn gơnam sĭ mơdrô hơdjă lăi ia mơtah ba glăi lu boh tŭ yua sit nik bơwih ƀong huă wơ̆t hăng rơnoh yôm ƀu thâo ƀuh ôh, djru kơ sang bruă sĭ mơdrô pơtrut tui hnong pơhno gơnam tam amăng anih sĭ mơdrô, boh nik ñu amăng hrơi blan Việt Nam mut phung hăng đơ đam rŏng lŏn tơnah.