VOV4.Jarai - Mơguah lơ 27/1, ƀơi hơdôm anih man pơkra jơlan rơdêh đuăi hmar mơng Kơdư - Dơnung ară jơlan găn nao Mai Sơn - Jơlan mrô 45, Ding jum wai lăng jơlan glông pơphun tal pơplông “Bơyan bơnga Nhâm Dần ƀơi hơdôm anih man pơkra jơlan glông”, hơmâo pơphun ƀơi hơdôm ring bruă, akŏ bruă akŏ phun amăng lŏn ia ta yua kơ Ding jum wai lăng jơlan glông pơphun. Akŏ bruă man pơkra jơlan rơdêh đuăi hmar Kơ-dư - Dơnung lĕ akŏ bruă akŏ phun amăng dêh čar, hơmâo pơphun amăng 2 rơwang. Tơdơi kơ pơgiong, djop ară jơlan rơdêh đuăi hmar jing ară jơlan pơdŭ pơgiăng phun, pơkuh nao rai hơdôm kual bơwih ƀong huă, pơgôp pơhưč tuh pơ alin hăng tŭ mă abih hơdôm tơlơi dưi hăng tơlơi gal ƀơi djop ƀon lan. Gum hrŏm kiăng kơ man pơkra djop ring bruă djơ̆ hrơi mông pơkă lĕ tơlơi čang rơmang hăng gir run hrŏm mơng ƀing mơnuih arăng jao man pơkra. Khul wai lăng akŏ bruă Thăng Long, djop anom bruă krăo lăng hăng hơdôm anom bruă man pơkra ƀuăn ngă tui tơlơi pơplông hăng čih glăi tong ten bruă kiăng ngă mơng anun tañ pơphun ngă, mơng anun tŭ yua amăng bruă tuh pơ alin.

Siu Đoan: Pơblang