Tal pơplông thun anai amăng kual gah dơnung yap mơ̆ng ƀôn prong Đà Nẵng kah hăng : Phú Yên, Lâm Đồng, Ninh Thuận, Bình Phước, Gia Lai, Quảng Nam, Kon Tum, Khánh Hòa, Dak Nông, Bà Rịa Vũng Tàu, Bình Định, Dak Lak hăng Quảng Ngãi. Pơkă hăng pơplông tal XII hơmâo pơphun ƀơi Quảng Ngãi thun 2022, tal anai hơmâo dơ̆ng grup mơ̆ng Bà Rịa Vũng Tàu.

Ƀơi tal pơplông thun anai, ƀing mơnuih kơtang kjăp drơi jăn amra pơplông 7 mơta tơlơi: đuăi ataih, pah boh lông grup đah rơkơi, grup đah rơkơi hăng đah kơmơi, pơnah hrăo, đĭ sưng, trut gai trul hăng hơdui hrĕ. Tal pơplông pơrơguăt drơi jăn djop djuai ania ƀiă đơ đam dêh čar tal XIII, kual II thun 2023 him lăng pơphun truh abih lơ 23/6.