VOV4.Jarai - Jơnum khua mua đơ đam dêh čar Khul djru brơi mơnuih drơi jăn ƀu klă hăng čơđai drit druai Việt Nam tal 6 (rơwang thun 2022-2027) sit nik pơphun amăng mơguah lơ 26/4, ƀơi Hà Nội. Anai lĕ jơnum yôm phăn kơ bruă mă amăng Khul ƀơi gơnong glông hăng 45 grup ding kơna. Nao jơnum hơmâo 350 čô khua mua sit nik hơmâo jak iâu mơng 47 boh tơring čar, ƀôn prong, khul pơlir hăng hơdôm anom bruă gah gơnong glông, ƀing mơnuih ba gru. Jơnum lăng glăi 5 thun ngă bruă rơwang tal 5 (2017-2022), laih dong ba tơbiă hơdôm hơdră bruă amăng rơwang pơ anăp dong. Amăng jơnum anai amra pơphun hơdor glăi 30 thun hrơi akŏ pơjing Khul djru mơnuih drơi jăn ƀu klă hăng čơđai drit druai Việt Nam hăng jơlan hwodră ngui adôh suang hăng anăn “Sa hơtai boh - Sa jar kmar” tal 17.

Siu Đoan: Pơblang