Mông jơnum anai hơmâo rơbêh 100 boh anom mơdrô Việt Nam hăng dêh čar Nga bơwih ƀong gah apui yua, sĭ mơdrô, tuh pơ alin, čơkă tuai hyu ngui, rơdêh por hăng boh thâo ia rơgơi. Sa amăng hơdôm tơlơi hmư̆ hing hloh mơ̆ng mông jơnum lĕ bruă Jao hơdôm pok hră ngă hrŏm plah wah anom bơwih ƀong mơdrô dua boh dêh čar ƀơi anăp Khua dêh čar ơi Lê Minh Hưng hăng khua mua dua bơnah.

Lăp đing nao dong, hơdôm tơlơi pơsit ngă hrŏm gah ia jâo plah wah Petro Vietnam hăng Zarubehneft, laih dong ba pơƀuh lu hră čih pioh tơlơi ngă hrŏm gah apui yua ia jâo, boh thâo ia rơgơi, đĭ kyar anih anom, jơlan nao rai, pơplih mă yua boh thâo mrô, ia jrao, čơkă tuai hyu ngui hăng tuh pơ alin. Hơdôm hră kĭ pơkôl hơmâo ƀơi mông jơnum anai djru pok prong tui tơlơi ngă hrŏm bơwih ƀong huă plah wah Việt Nam hăng Nga; pơjing phun atur či pok pơhai ngă bruă tong ten, ba glăi tơlơi gêh găl sit kơ anom bơwih ƀong hăng tơlơi bơwih ƀong dua boh dêh čar pơ anăp anai./.