Pơtrut bơwih ƀong huă, sĭ mơdrô hăng tuh pơ alin Việt Nam-EU
Thứ tư, 10:11, 15/02/2023
VOV/Nay Jek pơblang
VOV/Nay Jek pơblang
VOV4.Jarai-Tlam lơ 14/2, Khua dêh čar ơi Phạm Minh Chính hơmâo tŭ jum Khul sĭ mơdrô kơplah wah EU-ASEAN hăng Khul ngă bruă sĭ mơdrô kual Mi kô̆ ƀơi Việt Nam (EuroCham) pioh pơčrông sai lu hơdră pơtrut bơwih ƀong huă, sĭ mơdrô hăng tuh pơ alin Việt Nam hăng EU.
Tơdơi kơ hmư̆ lu tơlơi pơgôp hiăp, Khua dêh čar ơi Phạm Minh Chính lăi, Việt Nam lăng tơlơi rô nao rai ngă giăng mah hlom bom Việt Nam-EU ăt kah hăng tơlơi ngă giăng mah hăng hơdôm dêh čar ding kơna hnun mơ̆n; dong yua bruă mă kơtưn ngă kjăp hloh hăng dơlăm tui ASEAN-EU.
Khua dêh čar rơkâo hơdôm mơnuih ngă bruă sĭ mơdrô mơ̆ng EU ăt ngă hrom Việt Nam pok pơhai 3 bruă mă phun, pơtrut tuh pơ alin, sĭ mơdrô, blơi yua; djru Việt Nam dưi tŭ mă rơnoh prăk tuh pơ alin mơtah mơda hăng ba yua boh thâo ia rơgơi bơwih brơi kơ bruă pơblih yua mrô, pơblih ngă bruă pơgang mơtah mơda, bơwih ƀong huă dar nao rai, pơtrut pơkra jơlan glông, pơčeh phrâo ia rơgơi, pơtô hrăm mơnuih mă bruă, ngă lu gơnam sĭ mơdrô, pok pơhư prong anih anom sĭ mơdrô.
Viết bình luận