Anai lĕ mông jơnum yua sang anih jưh pơ ala dêh čar Kur ƀơi ƀôn prong Hồ Chí Minh hăng Jơnum min mơnuih ƀon sang ƀôn prong Cần Thơ pơphun kiăng hơdôm anom bơwih ƀong sĭ mơdrô mơng dêh čar Kur hăng anom bruă ƀơi kual lŏn dăo Cửu Long lăi hrŏm, ƀôn prong Cần Thơ hnun mơn pơbưp nao rai, pel ĕp kơ bruă pơsur tuh pơ alin, pơtrut kiăng jai hrơi ngă dơlăm tui tơlơi rô nao rai ngă hrŏm bơwih ƀong huă, sĭ mơdrô kơplah wah dua bơnah.

Amăng mông jơnum, ƀing rơgơi kơhnâo, anom bơwih ƀong sĭ mơdrô mơng Kur hơmâo lăi rơđah hơdôm tơlơi dưi, hơdră bruă tuh pơ alin hăng sĭ mơdrô ƀơi dêh čar Kur, kah hăng sa, dua hơdră bruă hăng tơlơi gêh gal kiăng pơhưč tuh pơ alin hăng pơtrut bơwih ƀong sĭ mơdrô kơplah wah dua bơnah anun lĕ pơtrut rô nao rai sĭ mơdrô hăng tuh  pơ alin; dua bơnah sem lăng hăng đing nao kiăng tañ hloh kơ bruă por nao rai kơplah wah Kur - ƀôn prong Cần Thơ…Tui lăi pơthâo, mơng akŏ thun truh ră anai, rơnoh sĭ mơdrô gơnam mơng ƀôn prong Cần Thơ nao dêh čar Kur rơbêh 37 klăk đôlar Mi.