VOV4.Jarai - Mơguah anai lơ 26/4, pơphun Jơnum pơlir gơnong bruă kual ASEAN kơ pơtrut ngă tui Bruă pok pơhai Lăi pơtŏng Hà Nội kơ pơtrut Bruă mơnuih mơnam, anăp nao sa Khul ASEAN pơkĕ hrom hăng gơgrong ngă juăt. Bruă mă yua kơ Ding jum wai lăng mơnuih mă bruă tơhan rơka ruă hăng mơnuih mơnam gum hrom hăng  Keh prăk čơđai muai Sang gum hơbit djop dêh čar pơphun, hăng tơlơi gum hrom mơng hơdôm ding kơna amăng kual tui hơdră lăng nao rai mơng ataih. Gum hrom nao jơnum, ƀing khua pơ ala amra đing nao bơkơtuai hơdôm bôh yôm, amăng anun: Kơtưn thâo hăng gơgrong mơng hơdôm bơnah bơdjơ̆ nao kơ Tơlơi lăi pơtŏng Hà Nội hăng pơtrut bruă mơnuih mơnam, hrom hăng Bruă ngă tui tơlơi Lăi pơtŏng; bơkơtuai kơ bruă mă mơng mơnuih mă bruă mơnuih mơnam amăng hơdôm bruă pơtô juăt, bruă ia jrao hăng wai lăng tơlơi ayuh hyiăng ƀu klă ngă; pơdŏng hơdôm tơlơi pơmin phun kiăng pơdŏng pơtô ba bruă mơnuih mơnam amăng hơdôm bôh ƀirô juăt bruă hăng mrô mơnuih mă bruă mơnuih mơnam ƀơi hơdôm bôh dêh čar ding kơna ASEAN./.

Siu H’ Prăk: Pơblang