VOV4.Jarai - Lơ 9/9, ƀơi ƀon prong Đà Nẵng, Khul mut phung mơnuih mă bruă Việt Nam, Khul pơlir hơbit mơnuih mă bruă Việt Nam hơmâo ngă hrŏm hăng Ding jum Bruă čar pơphun jơnum “Pơtrut tui tơlơi gơgrong mơng Khul mut phung mơnuih mă bruă amăng bruă ngă tui Jơlan hơdră pơplih abih bang hơdră ngă bruă mơng Kơnuk kơna thun 2021-2030”.

Mông hrăm bruă hăng jơnum bơkơtuai pơtrut tui tơlơi gơgrong bruă mơng Khul mut phung mơnuih mă bruă amăng pơplih phrâo anom bruă Kơnuk kơna

Ƀơi mông jơnum, ƀing khua pơƀut lăi nao tơlơi gơgrong bruă mơng Khul mut phung amăng bruă ngă tui Jơlan hơdră pơplih phrâo abih bang anom bruă Kơnuk kơna; Khul mut phung mơnuih mă bruă gum hrŏm hăng krăp lăng bruă pơplih phrâo anom bruă kơnuk kơna; Tơlơi gơgrong bruă mơng Khul mut phung amăng bruă pơtô pơblang, pơđĭ tui tơlơi thâo hluh; Hơdră ngă bruă klă thâo ngă hrŏm kơplah wah Khul mut phung mơnuih mă bruă hăng hơdôm anom apăn bruă đah mơng ruah mă tơlơi lăp djơ̆ či pơtô pơblang bruă pơplih anom bruă kơnuk kơna sit nik, tŭ yua, djơ̆ pô.

Siu H’Mai: Pơblang