Ƀơi mông mă bruă, lu tơlơi pơgôp hiăp tŭ ư hăng bruă pơphun jơnum, lăi pơtong anai lĕ anŏ phrâo mơ̆ng khua mua pơ ala mơnuih ƀôn sang dêh čar tal XV, hơmâo boh tŭ yua yôm, jing hơdră ngă pioh kơ khua mua, ƀing pơ ala mơnuih ƀôn sang dêh čar, anom bruă mơnuih ƀôn sang pô ruah djop tơring čar sem lăng tañ, mơ̆ng ataih bruă pơphun ngă tui tơlơi phiăn, hră pơtrun dưi hơmâo khua mua pơ ala mơnuih ƀôn sang dêh čar pơsit laih. Klah čun ƀơi mông jơnum, ơi Vương Đình Huệ Khua git gai pơ ala mơnuih ƀôn sang dêh čar tŭ ư anăn tơlơi jơnum lĕ "Jơnum đơ đam dêh čar pok pơhai tơlơi phiăn, hră pơtrun mơ̆ng khua mua pơ ala mơnuih ƀôn sang dêh čar tal XV”.

Jơnum anai, yua Jơnum min apăn bruă phun pơ ala mơnuih ƀôn sang dêh čar git gai, anom bruă ngă hrŏm lĕ kơnuk kơna, sang bruă djop djuai ania mơnuih mơnam Việt Nam, Sang phat kơđi mơnuih ƀôn sang dêh čar, sang bruă ĕp kơđi mơnuih ƀôn sang dêh čar, Anom bruă jŭ yap bruă kơnuk kơna hăng ƀôn prong Hải Phòng-anih pơphun jơnum. Jơnum anai amra pơphun tui hơdră lăng nao rai ƀuh ƀô̆ mơta amăng tivi hăng jơnum pơtum ƀô̆ mơta ƀơi anăp mơtam amăng 1 hrơi.