Ƀơi mông jơnum, ƀing khua mua hơmâo pơtong glăi hơdôm tơlơi pơhing čih ba pơplông dưi hơduah ĕp, čih pơblang tong ten, pioh lu mông, dram gơnam, kiăng čih pơhing ba glăi boh tŭ yua, čih pơhing pôr lu črăn. Hơdôm tơlơi pơhing anai hơmâo kiăo tui boh yôm phun, lăi nao djop akŏ bruă, tui tơlơi phiăn pơkă kơ pri tơlơi pơhing phrâo Diên Hồng tal sa, hơmâo boh yôm phun, lăi nao djop mơta bruă mă kah hăng pran jua amăng tơlơi hơdip mơda, biă  mă ñu ngă pơrơđah hĭ anih anom, tơlơi gơgrong, bruă mă, tơlơi dưi mơ̆ng ƀing pơ ala mơnuih ƀôn sang dêh čar, ƀing pơ ala mơnuih ƀôn sang djop gưl, ƀing pơ ala jing ƀing mơnuih ƀôn sang ruah, kơnang kơ gơñu pơ ala kơ mơnuih ƀôn sang ngă bang tui bruă mă amăng kual plơi pla.

Kơ-iăng khua anom bruă pơ ala mơnuih ƀôn sang dêh čar ơi Trần Thanh Mẫn lăi pơtong, Pri apah bơni djă anăn Diên Hồng lĕ kiăng pơpŭ bơni kơ ƀing čih tơlơi pơhing ră ruai kơ bruă mă mơ̆ng anom bruă pơ ala mơnuih ƀôn sang; ƀing pơ ala mơnuih ƀôn sang, rơkâo pơsir mơtam hơdôm tơlơi aka ƀu gêh găl amăng tal apah bơni blung a, ăt pok pơhai ngă tui tŭ yua hloh tal apah bơni pri Diên Hồng tal 2. Amăng anun, pơblih pơkra glăi tơlơi pơtrun apah bơni pri Diên Hồng tal 2 kiăng pơtum lu tơlơi pơhing čih ba pơplông.