Amăng mông pơbưp ƀô̆ mơta, ƀing pơ ala hmâo lok glăk laih phiăn juăt ư-ang mơ̆ng djuai ania, hơdôm bruă mă huĭ rơhyưt tơnap tap mơ̆ng Khul ling tơhan hăng Mơnuih ƀôn sang amăng bruă kơdŏng blah ayăt, pơdŏng hăng pơgang Lŏn ia amăng 80 thun rơgao; rŭ tơgŭ pran khăp kơ lŏn ia, khăp kơ kơnuk kơna djop mơnuih dưm kơnar, ư-ang djuai ania, phiăn “Ƀong bôh hơdor kơ pô pla”, “Mơñum ia hơdor kơ pô klơi”; djă pioh kơjăp hăng ngă tui phiăn juăt hơkrŭ, pran jua klă hiam "Ling tơhan Wa Hồ” mơ̆ng Khul ling tơhan mơnuih ƀôn sang Việt Nam.

Đại tá Lương Đình Chung-Kơ-iăng Khua git gai Ping gah Khul tơhan kual Quân khu V čang rơmang ƀing nao hlâo ngă hơkrŭ, khua tơhan, apăn bruă tơhan gưl dlông pơdơi lơtret ngă tui dong tơlơi găn rơgao “Thun tha ba gru hlâo”, hmâo hơdôm tơlơi gum hơgôp tŭ yua sit nik hloh dong bruă pơdong khul ling tơhan hơdeč hmar, kơjăp kơtang, ngă giong hơdôm bruă jao, lăp djơ̆ hăng pran đăo kơnang mơ̆ng Ping gah, Kơnuk kơna hăng Mơnuih ƀôn sang./.