Lu tơlơi čih lăi pơthâo amăng mông jơnum, hơmâo ƀuh rơđah, tơring čar Quảng Ngãi hlăk hơmâo atur pioh akŏ pơjing rai pran jua pơtrut pơđĭ kyar phrâo, mơ̆ng tuh tia pơkra ming, bơwih ƀong huă ƀơi kual ia rơsĭ, tơdrun kompan ia rơsĭ, logistics truh pơ bruă tuai čuă ngui hăng pơblih pơčeh phrâo. Amăng anun, kual bơwih ƀong huă ƀut sang măi Dung Quất ăt jing anih phun asar kơ bruă tuh tia pơkra ming yom, lir hơbit bruă hrong ia jâo, ayuh gaih hăng ia jâo-apui yua laih anun anăp nao pơđĭ tui ngă anih phun Hrong ia jrao hăng pơkra apui yua gưl dêh čar.

Anih pơđĭ kyar phrâo mơ̆ng Quảng Ngãi pok pơhư anih lir hơbit kual čư̆ siăng, dăp kơdư trun pơ lơ̆n dăo, dơnung čor, hang ia rơsĭ hăng amăng ia rơsĭ laih anun bul pơtâo plao ia rơsĭ; anun lĕ anih pơtruh nao rai jơlan rô yŭ-ngŏ mơ̆ng amăng jang guai dêh čar Bơ Y găn nao kual dap kơdư, kual čư̆ siăng Quảng Ngãi trun pơ ia rơsĭ tơdrun kompan ia dơlăm či Dung Quất dưi pơtong rơđah lĕ sa amăng hơdôm anih pơtrut pran kơtang. Anŏ gêh găl mơ̆ng ia rơsĭ, kual lơ̆n dap kơdư hăng jơlan hluh nao rai Yŭ-Ngŏ ngă gêh găl kơ tơring čar anai lir hơbit hăng pơ Chu Lai, Đà Nẵng, Gia Lai hăng kual ieo gah. Hăng bruă tuai čuă ngui, anih anom pơđĭ kyar phrâo ngă anŏ pơtruh anih anom hmư̆ hing pơ Lý Sơn, Mỹ Khê hăng Măng Đen. Ƀing khua mua nao jơnum ăt lăi rơđah tơlơi phiăn pơkă, bruă ngă, jơlan glông nao rai, prăk kăk hăng anŏ lir hơbit amăng kual, pok brơi jơlan pơsir anŏ ngă gun, kơđông pioh Quảng Ngãi pơđĭ kyar kơtang hloh.