Hrơi mông pơplông blung a pơphun hơđong, ƀu hơmâo mơnuih ngă soh hăng tơlơi pơkă. Abih bang ƀing čơđai nao pơplông  lăng tơlơi pơplông Ngữ Văn ăt kar hăng rĭm thun mơn laih dong kar kăi hăng tơlơi pơplông lông lăng mơ̆ ƀing čơđai hơmâo ngă amăng hrơi blan laih rơgao. Ƀing čơđai pơdah pran jua hur har lơm tơlơi hrăm Ngữ Văn bơdjơ̆ nao bruă ngă “hơđong amăng pran jua”. Anai ƀu djơ̆ boh tơhnal kiăo tui tơlơi sit nik ră anai ôh mơ̆ ăt lăp djơ̆ hăng hnưr ƀing gơñu, mơng anun ngă ƀing čơđai dưi sem lăng, pơdah tơlơi pơmĭn phara.

Tui lăi pơthâo tañ mơng gơnong bruă pơtô pơjuăt Gia Lai, amăng yang hrơi blung a nao pơplông abih anih 12 thun 2023, anai lĕ tơlơi hrăm Ngữ Văn, đơ đam tơring čar rơkut 54 čô. Sit biă ñu, mrô čơđai čih anăn nao pơplông tơlơi hrăm Ngữ Văn lĕ 14.696 čô; mrô čơđai nao pơplông sit nik 14.642 čô, rơkut 54 čô, amăng anun 18 čô mơnuih djuai ania ƀiă.