Kiăng pơhlôm hơđong nua sĭ mơdrô amăng bơyan čơkă thun phrâo Quý Mão 2023, Jơnum min mơnuih ƀon sang tơring čar Dak Lak hơmâo mă yua rơbêh 1.500 klai prăk kiăng kơ djă pioh gơnam yua. Hơdôm gơnam kiăng hơđong nua sĭ mơdrô amăng rơnuč thun 2022 hăng amăng bơyan čơkă thun phrâo Quý Mão 2023 hơmâo: mơnong ƀong huă (braih tơjŭ pla amăng lŏn ia), un, mơnŭ bip, boh mơnŭ bip, ia mơmuă, sik, ngok hăng hơdôm añăm tam, hơbơi pơtơi, ia săng, ia jâo.

Hrơi mông pơhlôm hơđong nua sĭ mơdrô dong mơng lơ 30/11/2022 truh lơ 30/2/2023. Ră anai hơmâo laih 10 anom bơwih ƀong sĭ mơdrô ƀơi Dak Lak pơjing akŏ bruă prap lui gơnam tam, djă pioh gơnam, ia săng, ia jâu djơ̆ hăng tơlơi kiăng giăm 1/4 kơ mơnuih ƀon sang. Laih dong, lu gơnam tam hơmâo djă pioh ƀơi hơdôm anih anom sĭ mơdrô, ƀơi sang čơ amăng tơring čar, tơlơi anai amra pơhlôm djop gơnam brơi mơnuih ƀon sang blơi yua amăng bơyan ƀong Tết anai.