VOV4.Jarai - Hrơi anai (22/8), rơbêh 1 klăk 900 rơbâo čô čơđai hrăm anih sa mut thun hrăm phrâo laih. Čơkă čơđai nao hrăm, hơdôm boh sang hră lêng kơ lăng glăi abih bang gơnam yua, apui lơtrik, đing pơđoh ia, kơƀang grê, gai rơñan đĭ trun, măi wơ̆t angin...Kiăng pơhlôm rơnuk rơnua kơ ƀing čơđai, hŭi hơmâo tơlơi truh. Tui hăng akŏ bruă hrăm hră amăng thun 2022-2023 hăng anih muai, phổ thông hăng pơtô hrăm re se giáo dục thường xuyên hơmâo Ding jum pơtô hăng pơjuăt pơtrun amăng lơ 5/8, jơnum mut thun hrăm phrâo hơmâo pơphun amăng lơ 5/9 tui rim thun mơn.

Čơđai sang hră mut hrăm tañ ha wơ̆t hrơi tơjuh, anun lĕ amăng lơ 29/8. Kơnong ƀing čơđai anih sa arăng brơi hrăm tañ hloh kơ hrơi jơnum mut thun hrăm phrâo 2 wơ̆t hrơi tơjuh, anun lĕ amăng lơ 22/8. Hơdôm boh tơring čar kah hăng Hà Nam, Hải Dương, Hậu Giang, Hòa Bình, Bến Tre, Dak Nông, Đồng Tháp, Đồng Nai, Bắc Giang, Hà Nội, Bắc Kạn, Bắc Ninh, Bạc Liêu, Lai Châu, Lâm Đồng…amra čơkă čơđai hrăm anih 1 amăng hrơi anai.

Siu H’Mai: Pơblang