Rơbêh 1.900 klai prăk pơkra jơlan pơtruh nao rai Khánh Hòa-Ninh Thuận hăng Lâm Đồng
Thứ tư, 14:19, 07/12/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Jơnum min pơ ala mơnuih ƀôn sang tơring čar Khánh Hòa phrâo tŭ ư jơlan hơdraqw ngă tui tơlơi ƀuăn pơhrua nao dơ̆ng rơnoh prăk tơring čar kơ bruă čuk pơkra jơlan pơtruh nao rai 3 boh tơring čar Khánh Hòa, Ninh Thuận hăng Lâm Đồng.
Tui hăng anun, tơring čar Khánh Hòa pơhrua nao dơ̆ng 930 klai prăk amăng mrô 1930 klai prăk tuh pơ alin pơkra jơlan anai, dŏ glăi rơkâo gơnong dlông djru. Anai lĕ jơlan pơtruh nao rai 3 boh tơring čar: Khánh Hòa, Ninh Thuận hăng Lâm Đồng. Kơčăo bruă pơkra jơlan pơtruh nao rai klâo boh tơring čar sa kơčăo bruă yôm mơ̆ng dêh čar, rơnoh prăk tuh pơ alin truh 1930 klai prăk.
Črăn pơtruh nao rai klâo boh tơring čar anai yôm biă mă, sit dưi hluh nao rai pơjing rai anŏ gêh găl pơđĭ kyar bơwih ƀong huă mơnuih mơnam amăng kual, djru mơnuih ƀôn sang dưi nao rai truh pơ kual čư̆ siăng tơring čar Ninh Thuận, Lâm Đồng, ngă gêh găl kơtưn ĕp bruă pơđĭ kyar kơtang, pơhlôm tơlơi rơnuk rơnua, pơgang hơđong amăng kual gah yŭ tơring čar Khánh Hòa.
Viết bình luận