VOV4.Jarai-Hrơi anai, lơ 5/9, rơbêh 23 klăk čô čơđai sang hră amăng dêh čar mut thun hrăm phrâo 2022-2023 hăng akŏ pia “Gum pơgôp, kơtưn pran jua ngă giong bruă jao hăng tơhnal pơtrun pơblih phrâo, kjăp tui laih anun pơđĭ tui boh tŭ yua pơtô hăng pơhrăm”. Tui hăng Khua ding jum ơi Nguyễn Kim Sơn, thun hrăm 2022-2023 hơmâo pơtong lĕ thun hrăm yôm biă mă pok pơhai anŏ pơblih phrâo pơtô hrăm djop gưl phun, ngă tui hơdră pơtô hrăm phun mơ̆ng thun 2018. Thun hrăm anai, hơdră pơtô hrăm pok pơhai ngă tui hơdôm anih 3, anih 7 hăng anih 10 pơblih phrâo.

Khua dêh čar ơi Phạm Minh Chính nao pơhmư̆ jơnum mut thun hrăm phrâo

Boh nik ñu hơdră pơtô anih 7 phrâo, brơi ƀing čơđai sang hră ruah mă tơlơi hrăm boh pơhiăp djuai ƀiă pô ƀudah bo pơhiăp tơlơi dêh čar tač rơngiao 2. Bruă ngă anai, kiăng pơtrut djă pioh boh pơhiăp hăng boh hră djuai ƀiă ba pơtô hrăm amăng sang hră. Truh ră anai, hơmâo 6 boh tơring čar amăng dêh čar hơmâo hră pơtrun ƀu mă prăk apah hrăm hră kơ čơđai sang hră thun hrăm 2022-2023: Hơmâo ƀôn prong Cần Thơ, Đà Nẵng, Hải Phòng, tơring čar Bà Rịa Vũng Tàu, Bắc Kạn, Quảng Ninh.

Nay Jek: Pơblang