Truh mông anai, djop bruă prăp lui hlâo či jao tơhan hăng tŭ jum pơmut tơhan phrâo dưi hơmâo djop tơring glông, anom bruă plơi prong, sang bruă ngă klă tong ten laih; mơnuih ƀôn sang jing ƀing hlăk ai djơ̆ thun mut tơhan hok mơak pran jua čơkă hrơi jơnum prong mut tơhan. Tal iâu mut tơhan thun 2024, ƀơi Dak Lak hơmâo 2.553 čô hlăk ai djơ̆ thun hơmâo anăn dưi mut tơhan.

Abih bang ƀing hlăk ai anai drơi jăn găng añrăng, djop pran jua mă bruă ngă tơhan blah ngă soh. Amăng mrô anai, hơmâo 3 čô hlăk ai đah kơmơi; 4 čô mơnuih ping gah, 120 čô hlăk ai hrăm giong gưl prong, gưl ƀrô, hăng hrăm giong bruă laih. Lu hlăk ai čih hră rơkâo mut ngă tơhan. Thun blan rơgao, Khul khua mua jak iâu pơmut tơhan djop tơring glông, plơi pla nao tơña bla, čuă jơmư pơhiăp tom rim čô hlăk ai kiăng thâo krăn anŏ kiăng, tơlơi pơmin pran jua gơñu hlâo kơ nao ngă tơhan.