VOV4.Jarai-Ƀrô hơdor glăi tal 132 thun Hrơi tơkeng kơ Khua mir sir Hồ Chí Minh, 111 thun hrơi Wa trun nao ĕp jơlan hơkrŭ kơ lŏn ia, tlam lơ 18/5, anom bruă ping gah ƀôn prong HCM jơnum apah bơni kơ lu grup, mơnuih hơmâo ngă bruă hur har tŭ yua, hrăm hăng hla tui tơlơi pơmin, pran jua, tơlơi dŏ dong ƀong huă hiam klă Hồ Chí Minh thun 2021-2022.

Đĭ pơhiăp amăng mông jơnum, ding kơna Ding jum kơđi čar, Khua git gai ping gah ƀôn prong Hồ Chí Minh, ơi Nguyễn Văn Nên bơni kơ 142 grup hăng 213 čô mơnuih dưi ruah mơ̆ng hơdôm rơbâo čô mơnuih ba gru hlâo hrăm hăng hla tui pran jua hiam klă Hồ Chí Minh, ngă lu bruă hiam amăng tơlơi hơdip mơda mơnuih mơnam. Anai lĕ, hơdôm čơnuh bơnga hiam, bruă ngă hur har, khin hơtai pơmin hăng bruă mă, gir run amăng abih bruă mă, tơpă hăng djop bruă mă mơ̆ng gơñu pô sit jao ngă bruă.

Nay Jek: Pơblang