VOV4.Jarai-Anom bruă tơhan pơlih jơlan glông dêh čar brơi thâo, amăng 4 hrơi pơdơi lơ 2/9 yap mơ̆ng lơ 1/9 truh lơ 4/9, tơhan pơlih jơlan glông dêh čar ta hơmâo pơsir kơđi tơlơi soh rô nao rai ƀơi jơlan glông truh 40 rơbâo wơ̆t ngă soh, đŭ prăk pơhrui glăi 60 klai prăk. Amăng 4 hrơi pơdơi, đơ đam dêh čar hơmâo 79 wơ̆t rơdêh pơjrom, ngă kơ 48 čô mơnuih djai, 51 čô mơnuih rơka rơkač.

Lơ̆m hyu tir sem lăng hăng pơgang tơlơi rơnuk rơnua jơlan glông, tơhan pơlih jơlan glông dêh čar ta ăt hơmâo bơtơhmal 41 rơbâo tơlơi soh; prăk đŭ pơhrui glăi 60 klai prăk; mă pơkong 941 boh rơdêh ôtô, 12.700 boh rơdêh thut; mă pơkong 6000 pok hră mơgăt rơdêh djop mơta. Kơnong ƀing ngă soh măt tơpai ăt djă mơgăt rơdêh, tơhan pơlih jơlan glông dêh čar ta hơmâo pơsir kơđi 8.800 wơ̆t ngă soh; đŭ prăk 40 klai. Kơnang kơ măi krăo lăng mơ̆ng grup tơhan hyu tir jơlan glông ƀơi jơlan rơdêh đuăi hmar hơmâo ƀuh 1.593 wơ̆t ngă soh.

Nay Jek: Pơblang