VOV4.Jarai-Klin kheng mah bơbeč kơtang kơ anih anom sĭ mơdrô, mă bruă, samơ̆ tơdơi kơ Têt ƀing mă bruă apah glăi mă bruă djơ̆ hrơi pơkă. Čih jŭ yap hmar amăng dêh čar brơi ƀuh, hơmâo truh 90% mrô mơnuih mă bruă amăng dêh čar glăi mă bruă laih tơdơi kơ Tết. Lu sang bruă sĭ mơdrô glăi mă bruă, pok pơhai mơ̆ng akŏ thun phrâo mơ̆ng lơ 5 blan ta. Hơdôm dŏ glăi lĕ, lu anih glăi mă bruă truh hrơi tal 7 hăng tal 8 pơdơi ƀong têt. Tui hăng anun, mrô mơnuih mă bruă glăi mă bruă mơ̆ng tơdơi kơ ƀong têt djơ̆ hrơi pơkă, mrô djơ̆ mơ̆ng 80-90%.

Ƀơi lu tơring čar hơmâo anom tuh tia pơkra ming sa ƀut pơprong kah hăng Đồng Nai, ƀôn prong Hồ Chí Minh mrô mơnuih mă bruă apah glăi mă bruă truh 90%. Ƀơi Hà Nội, tui hăng rơnoh jŭ yap mơ̆ng Khul wai lăng mơnuih mă bruă ƀôn prong: Yap truh lơ 7/2, rơbêh 90% mrô sang sĭ mơdrô pok glăi bah amăng sang bruă pơkra ming hăng rơbêh 96% mrô mơnuih mă bruă glăi pơtum djop pioh mă bruă.

Nay Jek: Pơblang