VOV4.Jarai - Ding jum pơtô pơjuăt brơi thâo, abih bang 63 boh tơring čar, ƀôn prong hơmâo pơphun brơi čơđai pơwŏt glăi nao sang hră. Mrô čơđai pơwŏt glăi nao sang hră truh lơ 18/4 dưm dưm 99,57%. Tơdơi kơ tơlơi git gai pơwŏt glăi nao sang hră, Khua mua Ding jum pơtô pơjuăt hơmâo nao pel ĕp kơ bruă pơphun hrăm glăi ƀơi djop ƀon lan. Sit biă ñu brơi ƀuh, dưi pơwŏt glăi nao sang hră lĕ tơlơi čang rơmang mơng abih bang čơđai, nai pơtô hăng ƀing amĭ ama ƀing čơđai. Djop ƀon lan hơmâo prap lui hơdră, pơphun pơtŏp hrăm, prap lui djop mơta hăng pran gir run čơkă čơđai pơwŏt glăi nao sang hră pơhlôm rơnuk rơnua. Djop sang hră lêng gơgrong pel ĕp, lăng glăi, sem lăng bruă čom puang lơ̆m hrăm lăng nao rai mơng ataih, amăng pơdah rup hăng djop anih hrăm kiăng kơ pơplih akŏ bruă pơtô hrăm mơng sang hră lăp djơ̆ hăng tơlơi sit nik hăng pran pơgang kjăp klin Covid-19 ƀơi ƀon lan. Ding jum pơtô pơjuăt brơi thâo, tui hăng jơlan hơdră pơtô hrăm mơng djop sang hră, bruă pel ĕp, sem lăng rĭm rơwang tui bruă hrăm ƀơi sang hră amra pơphun tơdơi kơ hrơi blan ƀing čơđai hrăm glăi, hrăm pơhrua hơdôm tơlơi hrăm.

Siu Đoan: Pơblang