Tơlơi truh amăng čơtlăm lơ 30/3, lơm rơdêh pơgiăng 45 bôh grê (yua kơ pô mơgăt rơdêh N.V.L. 44 thun, dô̆ ƀơi tơring čar Bình Phước mơgăt) pơgiăng 36 čô mơnuih đuăi mơ̆ng Đà Lạt - ƀôn prong Hồ Chí Minh. Amăng mông glăk dŏng ƀơi jơlan čun čue Bảo Lộc, gah tơring kual Dă Mri, tơring glông Dă Huoai, tơring čar Lâm Đồng lĕ hlut trun amăng kriăng dơnung dơlăm 20m.

Tơdơi kơ hmâo tơlơi, Tơhan polih wai lăng bruă rô nao rai Kông ang tơring čar Lâm Đồng hăng hơdôm khul apăn bruă anai hmâo tañ nao pơ̆ anih anom pok pơhai bruă pơtlaih brơi, gum djru. Tơlơi truh ngă amai N.T.N.T (26 thun, ƀơi plơi prong Đồng Xoài, tơring čar Bình Phước) djai, 3 čô mơnuih pơkon ruă kraih hmâo khul gơgrong bruă ba nao pơjrao tañ, ƀing mơnuih dô̆ glăi rơka ruă rơnang. Hlâo kơ hlut trun amăng kriăng, rơdêh anai hmâo klă djơ̆ aku rơdêh đuăi ha anăp ƀơi jơlan gah anăp./.