VOV4.Jarai - Jơnum min mơnuih ƀon sang plơi prong Đà Lạt, tơring čar Lâm Đồng phrâo hơmâo hră lăi pơthâo glăi, rơkâo Jơnum min mơnuih ƀon sang tơring čar Lâm Đồng sem lăng brơi Sang čơ mlăm Đà Lạt mă bruă glăi tơdơi kơ 8 blan pơdơi yua Covid-19. Kiăng pơhlôm rơnuk rơnua amăng bruă pơgang klin Covid-19, Sang čơ mlăm Đà Lạt pơdơi bruă sĭ mơdrô mơng lơ 3/5/2021 truh mông anai. Amăng lu blan pơdơi bruă, tơlơi hơdip mơng ƀing sĭ mơdrô ƀơi sang čơ tơnap biă mă. Ƀơi anăp tơlơi anai, kiăng pok pơhai tŭ yua dua mơta bruă kiăng ngă hrŏm hrŏm amăng hrơi mông hơdip hrŏm hăng klin kheng....Jơnum min mơnuih ƀon sang plơi prong Đà Lạt lăi pơthâo glăi, rơkâo Jơnum min mơnuih ƀon sang tơring čar Lâm Đồng sem lăng brơi sang čơ mlăm Đà Lạt sĭ mơdrô glăi tui hơđăp, ƀudah sĭ mơdrô kiăo tui tơlơi pơgang klin mơn...Hlâo kơ anun, pơ ala kơ rơbêh 200 boh sang anŏ sĭ mơdrô ƀơi sang čơ mlăm Đà Lạt hơmâo čih hră mơ-it kơ Jơnum min mơnuih ƀon sang plơi prong Đà Lạt rơkâo gong gai brơi pok glăi sang čơ amăng hrơi Tê̆t Nhâm Dần 2022.

Siu H’Mai: Pơblang