VOV4.Jarai - Tơlơi pơhing mơng Grŭp wai lăng Rơwang bruă tuh pơplai pơkra hơdôm ară jơlan nao rai tơring čar Kontum brơi thâo, truh ră anai Rơwang bruă pơplih pơkra, pơkra glăi hơdôm črăn jơlan phun ƀơi jơlan mrô 24 găn tơring čar Kontum hmâo pơkra giong laih phun ñu.

Pơkra tañ Rơwang bruă pơplih pơkra, pơkra glăi hơdôm črăn jơlan phun ƀơi Jơlan 24 găn tơring glông Kon Plông, tơring čar Kontum

Tui anun tŭč rơnuč bruă pơplih pơkra, pơkra glăi jơlan nao rai ăt giong djơ̆ hrơi pơkă mơn 30/6, hơdôm hrơi mơ̆ Ding jum wai lăng jơlan nao rai dŭ pơgiăng dêh čar ta hmâo pơkra glăi tal 2 hăng rơnoh bruă pơkra rơwang bruă anai. Ơi Đàm Phúc Tuyên, Khua Grŭp wai lăng Rơwang bruă tuh pơplai pơkra jơlan nao rai tơring čar Kontum brơi thâo, rơwang bruă hmâo rơwang ataih 31 km, amăng anun 9km črăn găn plơi prong Kontum hăng tơring glông Kon Braih. Rơwang bruă 2 gah Rơwang bruă pơplih pơkra, pơkra glăi hơdôm črăn jơlan phun ƀơi jơlan 24 găn tơring čar Kontum hmâo abih bang prăk mă yua rơbêh kơ 847 klai prăk pơphun pơkra mơng lơ 23/7/2020. Rơwang bruă hmâo rơwang ataih 31 km yua kơ Gơnong bruă wai lăng jơlan nao rai, dŭ pơgiăng tơring čar Kontum ngă pô tuh pơplai./.

Siu H’ Prăk: Pơblang