VOV4.Jarai - Lơ 20/4, Gơnong bruă bôh thâo, bơkơjăp drơi jăn hăng tuai čuă ngui tơring čar Lâm Đồng hmâo pơphun jơnum lăi pơthâo Rơwang hrơi tơjuh Tuai čuă ngui Lâm Đồng thun 2022.

Pơkă lăng hlâo amăng tal pơdơi lơphet 30/4, amra hmâo lu tuai nao ngui pơ̆ Đà Lạt

Rơwang hrơi tơjuh pơphun ƀơi plơi prong Đà Lạt mơng lơ 21 truh abih lơ 30/4, hăng jơlan hơdră phun kah hăng: Tơlơi lăi pơthâo hăng lăi pơhư̆č anih tuai čuă ngui, lăi pơthâo gơnam ƀong mơñum jơman Đà Lạt, hơdôm gơnam mă mơng đang hmua pha ra, bôh thâo đưm djop djuai ania amăng tơring čar, jơlan hơdră pơtrut tuai čuă ngui "Hrơi yôm phăn hăng mông yôm phăn" mơng hơdôm anom bơwih ƀong... Anai lĕ bruă jơnum ngui bôh thâo - tuai čuă ngui, tơlơi ƀong mơñum hăng bơkơjăp drơi jăn, kiăng lăi pơthâo, lăi pơhư̆č tuai nao pơ̆ Đà Lạt - Lâm Đồng, ăt kah hăng pơgang, ngă tui gru grua bôh thâo mơng djuai ania, hơkrŭ glăi hăng pơđĭ kyar hơdôm bôh plơi pla đưm pơkĕ hrom hăng bruă tuai čuă ngui. Mơng anun, djru pơtrut tuai čuă ngui kơ tơring čar Lâm Đồng, hăng tơhnal ngă pơhư̆č khom hmâo rơbêh kơ 5 klăk wot čô tuai nao čuă ngui amăng thun anai./.

Siu H’ Prăk: Pơblang