Ơi Hà Viết Toàn, 48 thun, Hrăm giong bruă pơsir kơđi Trung cấp, dưi ruah ngă Khua Sang phăt kơđi mơnuih ƀôn sang tơring čar Kon Tum. Ơi Toàn hmâo 23 thun mă amăng bruă sang phăt kơđi. Mơ̆ng thun 2018 truh ră anai, ñu ngă Kơ-iăng Khua Sang phăt kơđi mơnuih ƀôn sang tơring čar Gia Lai.

Amăng mông ngă lơphet, hơ-ơč hmưi ơi Hà Viết Toàn dưi ruah nao apăn bruă phrâo, ơi Phạm Quốc Hưng, Kơ-ang Khua Sang phăt kơđi mơnuih ƀôn sang dêh čar ta rơkâo ơi Toàn hrŏm hăng Grŭp mă bruă Ping gah, Khua git gai Sang phăt kơđi mơnuih ƀôn sang tơring čar Kon Tum lăng yôm pran jua gum hrŏm hơbit; ngă klă tơlơi pơkă đing nao tơpă. Mơnuih apăn bruă hăng mơnuih mă bruă Sang phăt kơđi mơnuih ƀôn sang dua gưl tơring čar Kon Tum khom dŏng yua hăng gum hrŏm Khua Sang phăt kơđi phrâo ruah ngă klă bruă hmâo jao./.