VOV4.Jarai - Khua dêh čar ơi Phạm Minh Chính phrâo kĭ tơlơi pơtrun kơ bruă ruah mơnuih apăn bruă hăng ơi Y Vinh Tơr, ding kơna prap lui Ping gah dêh čar, Ding kơna Khul apăn bruă Ping gah, Khua Khul pơ ala mơnuih ƀon sang tơring čar, Khua khul khua pơ ala mơnuih ƀon sang dêh čar tal XV tơring čar Dak Lak đĭ ngă Kơ-iăng Khua jơnum min djuai ania. Ơi Y Vinh Tơr tơkeng thun 1976; ƀơi tơring čar Dak Lak. Ñu hrăm Lý luận chính trị gưl prong, lĕ Nai prin tha gah wai lăng, Kỹ sư Lâm Nghiệp.

Ơi Y Vinh Tơr sui thun mă bruă amăng Khul hlăk ai tơring čar Dak Lak hăng găn rơgao lu wŏt ngă khua amăng tơring čar. Amăng Jơnum Ping gah đơ đam dêh čar tal XIII, ơi Y Vinh Tơr hơmâo ruah ngă Ding kơna prap lui Ping gah dêh čar. Mơng blan 3/2021-6/2021, ơi Y Vinh Tơr ngă Kơ-iăng Khua khul pơ ala mơnuih ƀon sang tơring čar Dak Lak. Mơng blan 7/2021-6/2022 ñu ngă Khua Khul pơ ala mơnuih ƀon sang tơring čar Dak Lak; Khua pơ ala mơnuih ƀon sang tal XV hăng Khua khul khua pơ ala mơnuih ƀon sang tơring čar Dak Lak.

Siu Đoan: Pơblang