Ping gah să Ea Mdroh, să ngă hơkrŭ ƀơi tơring čar Dak Lak, phrâo pơphun Jơnum khua mua tal I, rơwang thun 2025-2030. Jơnum hơmâo ba tơbiă hơdôm bruă jao, hơdră bruă tong ten kiăng man pơdong truh kih plơi pla phrâo amăng thun 2030. Amăng rơwang phrâo truh thun 2030, Ping gah să Ea Mdroh ba tơbiă hơnong pơkă gir run dưi ngă pơgiong hơnong pơkă plơi pla phrâo; rơnoh pơđĭ kyar rĭm thun mơng 8-10%, abih tih rơnoh bơwih ƀong truh thun 2030 him lăng 2.900 klai prăk, pơhrui rĭm akŏ mơnuih truh 80 klăk prăk/čô/thun…

Jơnum lăi pơthâo tơlơi pơtrun mơng Ping gah tơring čar Dak Lak, ruah Khul apăn bruă Ping gah să Ea Mdroh rơwang thun 2025-2030 hơmâo 26 čô ding kơna, Khul djru bruă Ping gah să hơmâo 11 čô. Yă H’Giang Niê, Khua khul hlăk ai tơring čar Dak Lak hơđăp ruah ngă Khua git gai Ping gah să Ea Mdroh, rơwang thun 2025-2030.