Sang hră him lăng pơmut 2.900 čô čơđai hrăm chính quy amăng 35 tơlơi pơtô hrăm, gah hơdôm tơlơi hrăm: Ia jrao, ngă hmua đang glai, nai pơtô, bơwih ƀong huă. Amăng anun hơmâo 1 tơlơi pơtô hrăm phrâo lăp djơ̆ hăng tơlơi kiăng mơnuih mă bruă ră anai hơmâo gah tơlơi hrăm Sư phạm Khoa học Tự Nhiên. Ƀing čơđai hrăm giong gah tơlơi hrăm anai dưi pơtô gah tơlơi hrăm Khoa học tự nhiên sang hră gưl dua tui jơlan hơdră pơtô hrăm phrâo.

Sang hră gưl prong Tây Nguyên hơmâo ngă tui 4 hơdră pơmut hrăm hơmâo: Mă tui puang pơplông abih gưl tlâo thun 2023, mă tui puang hrăm abih gưl tlâo, mă tui puang sem lăng mơng Sang hră gưl prong ƀôn prong Hồ Chí Minh hăng pơmut tơpă tui tơlơi pơkă mơng Ding jum pơtô pơjuăt. Bruă hơmâo lu jơlan pơmut ngă gêh gal, hăng hơmâo lu dong čơđai dưi mut hrăm. Laih dong, ngă sang hră dưi ruah ƀing čơđai hrăm rơgơi hăng lăp djơ̆ hăng tơlơi kiăng mơng jơlan hơdră pơtô hrăm.