VOV4.Jarai - Ƀơi Hà Nội phrâo pơphun jơnum kĭ pơkôl Jơlan hơdră ngă hrŏm kơplah wah Sang hră pơtô bruă kơđi čar dêh čar Hồ Chí Minh hăng Jơnum min djuai ania rơwang thun 2021-2025. Tui jơlan hơdră kĭ pơkôl ngă hrŏm, Sang hră pơtô bruă kơđi čar dêh čar Hồ Chí Minh pơphun pơtô bruă hơdôm tơlơi hrăm bơdjơ̆ nao djuai ania brơi ƀing khua mua, ƀing wai lăng gah mơnuih gưl 1 hăng 2 amăng djop anom bruă gơnong glông; pơphun pơtô hrăm hrŏm amăng hơdôm jơlan hơdră pơtô pơjuăt gah djuai ania brơi khua mua, mơnuih wai lăng ƀơi ƀon lan.

Mông kĭ pơkôl kơplah wah Sang hră pơtô bruă kơđi čar dêh čar Hồ Chí Minh hăng Jơnum min djuai ania

Pơphun pơtô hrăm kơ bruă gah djuai ania brơi ƀing khua mua, ƀing wai lăng, mơnuih apăn bruă, mơnuih mă bruă tui jơlan hơdră hrăm gưl glông Lý luận Chính trị hăng pơsit brơi hră pơ-ar hrăm giong brơi ƀing mơnuih kiăo tui hrăm. Pơlăi nao rai tơlơi pơhing, hră pơ-ar bơdjơ̆ nao bruă kơđi čar mơng Ping gah hăng Kơnuk kơna jao brơi dua bơnah gah bruă djuai ania; pơlăi nao rai hơdôm boh tơhnal kơsem min phrâo amăng lŏn ia hăng tač rơngiao bơdjơ̆ nao bruă djuai ania.

Siu Đoan: Pơblang