VOV4.Jarai - Tom brơi (15/9), ƀơi plơi prong Pleiku, Sang ia jrao prong tơring čar Bình Định hăng Sang ia jrao prong tơring čar Gia Lai pơphun mông kĭ hră hơdor hăng ngă hrŏm amăng bruă khăm, pơjrao, črâo brơi boh thâo măi mok gah ia jrao. Sang ia jrao prong tơring čar Gia Lai phrâo tuh pơ alin blơi măi DSA phrâo. Măi DSA mă yua măi phĭn X pơčrang lăng kơtăk drah amăng drơi jăn hăng boh thâo pơčrang lăng hăng pơjrao amăng kơtăk drah mơ̆ ƀu kiăng breh ôh.

Ră anai, măi DSA phrâo hơmâo dưm truă ƀơi anom bruă pơjrao hơtai boh, Sang ia jrao prong tơring čar Gia Lai. Ơi Phạm Bá Mỹ, Khua sang ia jrao prong tơring čar Gia Lai brơi thâo, bruă ngă hrŏm, gum djru khăp pơjrao, črâo brơi boh thâo măi mok kơplah wah dua boh sang ia jrao amra djru brơi tơring čar Gia Lai  gêh gal dong lơ̆m mă yua boh thâo măi mok, klă dong amăng bruă khăm pơjrao ƀơi sang ia jrao brơi kơ mơnuih ƀon sang amăng tơring čar lăi phara hăng mơnuih ƀon sang hơdôm tơring čar jum dar hnun mơn, kiăng kơ plai ƀiă pơgiăng nao pơ sang ia jrao prong.

Siu Đoan: Pơblang